👩‍🏫സ്കൂൾ തുറന്നിട്ടും ഇംഗ്ലീഷ് അധ്യാപകരില്ലാതെ 56 സർക്കാർ ഹൈസ്കൂളുകൾ: താൽക്കാലിക നിയമനത്തിനും അനുമതിയില്ല

ഇടുക്കി : പുതിയ അധ്യായന വർഷം ആരംഭിച്ച ആഴ്ചകൾ പിന്നിട്ടിട്ടും പിന്നോക്ക ജില്ലയായ ഇടുക്കിയിലെ 56 ഓളം സർക്കാർ ഹൈസ്കൂളുകളിൽ ഇംഗ്ലീഷ് പഠിപ്പിക്കാൻ താൽക്കാലിക അധ്യാപകരെ പോലും നിയമിക്കാൻ ഉത്തരവില്ല.ബഹു: ഹൈക്കോടതി ഓഗസ്റ്റ് 10, 2021 ൽ, wp(c) No. 23159 of 2018 എന്ന ഓർഡർ നമ്പർ പ്രകാരം മൂന്നോ നാലോ ഡിവിഷനുകൾ ഉള്ള സ്കൂളുകളിൽ പോലും ഒരു ഇംഗ്ലീഷ് ടീച്ചറിനെ നിയമിക്കണം എന്നാണ്.പക്ഷേ സർക്കാർ ഇപ്പോഴും ഈ കാര്യത്തിൽ മുഖം തിരിച്ചിരിക്കുകയാണ്.

പിന്നോക്ക ജില്ലയായ ഇടുക്കിയിലെ അധികം സ്കൂളുകളിലും നിർധനരും പട്ടികജാതി/ പട്ടികവർഗ്ഗ വിഭാഗത്തിൽ ഉൾപ്പെട്ട കുട്ടികളുമാണ് പഠിക്കുന്നത്. ഇവർക്ക് സർക്കാർ സ്കൂളുകളാണ് ഏക ആശ്രയം. പക്ഷേ, അവിടെ ഇംഗ്ലീഷ് പഠിപ്പിക്കുന്നത് ആകട്ടെ മാക്സ്, സയൻസ്, സോഷ്യൽ സയൻസ് അധ്യാപകരാണ്. ഹിന്ദിയും, മലയാളവും, ഉറുദുവും, അറബിയും ഒക്കെ, പഠിപ്പിക്കാൻ ആ വിഷയത്തിൽ തന്നെ യോഗ്യത നേടിയവരാണ്. എന്തിനേറെ പറയുന്നു, എല്ലാവരുടെയും മാതൃഭാഷയല്ലേ മലയാളം;

മലയാളം പഠിപ്പിക്കാൻ അതിൽ യോഗ്യത നേടിയ അധ്യാപകർ തന്നെ വേണമെന്നിരിക്കെ പിന്നെയെങ്ങനെയാണ് മറ്റു വിഷയക്കാർ വിദേശ ഭാഷയായ/ ഭാവിയിൽ ഏറെ പ്രയോജനമുള്ള ഇംഗ്ലീഷ് മറ്റു വിഷയക്കാർ കൈകാര്യം ചെയ്യുന്നത്? സമ്പന്നരായ ആളുകൾ ഡിവിഷനുകൾ കൂടുതലുള്ള, യോഗ്യരായ അധ്യാപകരുള്ള സ്കൂളുകളിലും, സിബിഎസ്ഇ സ്കൂളുകളിലും കുട്ടികളെ അയക്കുന്നു. പാവപ്പെട്ട കുട്ടികൾ ഇംഗ്ലീഷ് പഠിക്കേണ്ട എന്നാണോ സർക്കാർഉദ്ദേശിക്കുന്നത്? ഇത് പത്താംതരം കുട്ടികളുടെ ഗുണനിലവാരത്തെയാണ് തകർക്കുന്നത്.

ഹൈക്കോടതി ഉത്തരവ് ഉണ്ടായിട്ടും സർക്കാർ ഇക്കാര്യത്തിൽ മെല്ലെ പോക്ക് നയം സ്വീകരിക്കുകയാണ്.  സ്കൂളിൽ പാഠപുസ്തകവും, സൗജന്യ യൂണിഫോമും, നല്ല കെട്ടിടങ്ങളും,ക്ലാസ് മുറിയും,മാത്രം മതിയോ? യോഗ്യരായ ഇംഗ്ലീഷ് അധ്യാപകരും വേണ്ടതല്ലേ? പത്താം ക്ലാസിനും പ്ലസ് ടുവിനും ശേഷം സർക്കാർ സ്കൂളിൽ പഠിച്ച കുട്ടികൾ ഇംഗ്ലീഷ് വായിക്കാനോ എഴുതാനോ അല്ലെങ്കിൽ ഗ്രാമർ എന്താണെന്ന് പോലും അറിയാത്ത സ്ഥിതിയാണുള്ളത്. പ്ലസ്ടുവിന് ശേഷം ഗ്രാമർ/spoken ഇംഗ്ലീഷ് ക്ലാസുകൾ അന്വേഷിച്ചു പോകേണ്ട സ്ഥിതിയാണ്.

കഴിഞ്ഞവർഷം ജൂണിൽ HSA ഇംഗ്ലീഷ് പരീക്ഷ നടത്തിയെങ്കിലും ഇംഗ്ലീഷിന് ഉണ്ടാകുന്ന 56 ഒഴിവുകൾ കണക്കിലെടുക്കാതെ വളരെ ചുരുങ്ങിയ 20 പേരുടെ മെയിൻ ലിസ്റ്റ് ആണ് പ്രസിദ്ധീകരിച്ചത്. മുഴുവൻ പേര് നിയമിച്ചാലും ബാക്കിവരുന്ന 36 സ്കൂളുകളിലും ഇംഗ്ലീഷ് മറ്റു വിഷയക്കാർ പഠിപ്പിക്കുന്ന സ്ഥിതി തന്നെ തുടരും. നിലവിൽ 5 ഡിവിഷനിൽ കൂടുതലുള്ള ഹൈസ്കൂളിൽ മാത്രമേ ഇംഗ്ലീഷ് ടീച്ചറിന്റെ പോസ്റ്റ് സർക്കാർ അനുവദിച്ചിട്ടുള്ളൂ. പുതിയ റാങ്ക് ലിസ്റ്റിലെ അംഗങ്ങളുടെ എണ്ണവും ഒഴിവു നികത്താൻ അപര്യാപ്തമാണ്.

ഇക്കഴിഞ്ഞ അധ്യയന വർഷത്തിൽ നവംബർ മാസം മുതൽ ഈ ഒഴിവുള്ള 56 സ്കൂളുകളിലും താൽക്കാലിക അധ്യാപകരെ നിയമിക്കാൻ സർക്കാർ ഉത്തരവ് ഉണ്ടായിരുന്നു. പക്ഷേ ആ ഉത്തരവിൽ നടപ്പുവർഷത്തേക്ക് മാത്രം എന്ന് എടുത്തു പറഞ്ഞാണ് ഉത്തരവിറക്കിയത്. ഈ പുതിയ അധ്യായനത്തിൽ ഇക്കാര്യത്തിൽ ഒരു ഉത്തരവും ഉണ്ടായില്ല. മറ്റു വിഷയക്കാർ ഇംഗ്ലീഷ് പഠിപ്പിക്കുന്ന സ്ഥിതി തന്നെ തുടരുന്നു. സ്ഥിരം നിയമനം നടക്കുന്നത് വരെ താൽക്കാലിക അധ്യാപകരെ എങ്കിലും നിയമിച്ചില്ലെങ്കിൽ പത്താംതരം ഉൾപ്പെടെയുള്ള കുട്ടികളുടെ ഭാവി അവതാളത്തിൽ ആകും എന്ന് തീർച്ച. സർക്കാരിന്റെ ഈ അവഗണന പാവപ്പെട്ട കുട്ടികൾക്ക് കൂടി ലഭിക്കേണ്ട ഗുണമേന്മയാർന്ന വിദ്യാഭ്യാസത്തിന്റെ ഭരണഘടന പരമായ ലംഘനം കൂടിയാണ്.

🍁10-07-2023🍁
╔══❖✿••••••••••••✿❖════╗*
꧁☆CSC NEWS NOW꧁☆
╚═══❖✿••••••••••••✿❖═══╝

🪀🪀🪀🪀🪀🪀🪀🪀
CSC News Now WhatsApp Group Link👇

https://chat.whatsapp.com/C5ja9LGpxeoIQKnbaffLyN
✨✨✨✨✨✨✨
വാർത്തകളും പരസ്യങ്ങളും നൽകാൻ
9447467586
http://wa.me/919447467586
🛟🛟🛟🛟🛟🛟🛟🛟